沙田考線

銀城線
-最簡單的一條考線，亦是考得最多的一條
-難道不大，只需特別留意牛皮沙街的道路工程。
-左轉插桅杆街時，要留意左邊小巴站的乘客，因為佢地未必會行去燈位過港鐵站，而係在小巴站橫過。
-左轉銀城街時，留意轉右去威記的燈有冇著，有通常我地直行o既燈好快會轉紅。

安睦線
-第二簡單的考線，亦是第二考得多的考線
-最主要是留意準備右轉入多石街停車場時，手波車記得入左1波先入去。
-小心多石街停車場會有一個阿伯拾紙皮，記得1波慢駛。
-出停車場時，偷位偷盡d，如果唔係轉左出去時車尾會"high"到d沙包。
-準備右轉沙田圍路時，記得盞燈只可過兩部車就轉燈，唔好博。
-沙田圍路時要留意車速。
-沙田圍路尾左轉小瀝源路時，記得3波落返2波/收慢部車。(雖然果個灣部車可以3波過到，但其實果度有個牌寫住"慢車"，唔好中計。)
-安睦街時小心死車，超車時唔好踩影子線。
-安睦街時視距遠d，因為有時死車同生車會分唔出，要早d發覺。
-回程左轉小瀝源路時快快由左線過中線，因為後面就快放車，到時會出唔切。
-小瀝源路近燈位最右線有工程，小心有車從右切入，記得望望先。

河畔線
-其實係最難的一條，因為比大涌橋線更多死車
-在沙田圍路近威記巴士站時要由左線過中線，記得無車，望清楚先cut出去，因為係灣位，有大車係盲區經過會好危險，必要時可把車收到好慢，唔好去到架空道路都未cut去中線，好危險。
-過左架空道路後的燈位後，會有個極微s灣，小心右方會有入錯線的車突然cut入曬。
-入花園城，9成有死車，適當運用超越物體技術，小心前面車輛突然u-turn。
-崗背街左轉圓洲角路有道路工程，雙線單程行車，到時睇指示。

大涌橋線
-一眾覺得最難的考線，因為沙角街段是不準學車進入
-在沒有練習之下，一定會覺得考這條線會死硬，但其實比河畔更易。
-過了沙田圍路後，一直都靠左行。
-左轉大涌橋路前有個巴士站，必要時要停車，比巴士走先。但要保持左線。
-過了大涌橋路左轉入沙角街，其實死車不多，而且有分隔，無可能會用到對頭車條線，運用超越物體便過到關。
-因為路面較闊，見到死車可以早d cut出去，通常死車都係三五成群落車吹水，所以睇清楚是否適合返回左線，肯定過曬先返左線。
-行人較多，但因視野較闊，唔似花園城咁，無端端有人走出來，但都要留意四周。
-總知一直靠左便可完成沙角街段。