過大禮問題

Sun Nov 29, 2009 12:27 am 文章主題:

wingwingwing02 寫到:

anitachs, 你好, 你真係對呢D野好熟呀!

我有D野想請教下你. 我地雙方屋企人其實都唔識過大禮D野, 所以都你諗住做少少, 唔駛一定依足規矩. 不過都唔想同傳統相差得太遠. 所以我地諗住費事煩, 會去金都個D買男家俾女家既STANDARD PACKAGE, 但係就唔買女家回男家既物品啦. 咁我想問下:

1. 如果買左男家既過大禮物品, 仲駛唔駛要"包羅萬有"利是?

除左個D PACKAGE, 過大禮仲要買海味, 豬肉同埋生雞個D, 如果你地唔會買, 男家都要俾個封包羅萬有利是代替呢D野..龍鳳餅就係要黎拜神同埋上頭個日用既, ...我自己個時就會有埋生果籃, 少少唐餅, 同埋洋酒過大禮, 呢D睇下女家要唔要求啦

2. 除了個STANDARD過大禮物品外, 係唔係當日要俾埋禮金, 餅咭同帖? 仲有冇其他野要俾? (女家沒有其他未婚的兄弟姊妹)

過大禮係要過埋禮金, 嫁女餅 (餅卡) 同埋帖既, 而且都會俾埋上頭用品同埋對聯

3. 如果唔拜神, 咁仲駛唔駛要龍鳳餅?

如果當日唔洗拜神, D人會用左餅卡代替, 到左上頭個日先去餅店換對龍鳳餅返屋企

4. 咁我地諗住女家剩係回利是就可以啦, 係唔係一定要禮金還禮金回, 禮品還禮品回? 如果一封利是攪掂晒得唔得? 有冇話最少唔可以幾多?

男家過既物品就回返一半, 而包羅萬有利是都係回一半數目 (呢封叫百年好合利是), 禮金係分開回, 回幾多就隨意, 好意頭個D, E.G. $888之類)

5. 禮金方面, 係唔係一定要8字尾(如38,888), 用9字尾得唔得(如39,999)?

禮金係8未尾既...而開門利是就係9未尾

除了過大禮外, 我仲有D中式禮儀想問下你:

1. 我屋企人話我地要買燒肉卷, 因為要派俾女家親戚, 佢話要每張可買斤半燒肉, 其實我唔知有呢個儀式, 不過我地去太興問過, 佢地話冇指定既燒肉卷, 剩係得$50既燒臘卷, 唔知可唔可以代替燒肉卷呢? 定係係其他地方可以買到燒肉卷? 點解一定要斤半一張呢?

我知就只係太興同美心會布呢D卷賣, 太興個D, 可以換咩食都得...好似好D LOR...美心我就唔知, 你可以去分店問下.

其實係新娘三朝回門時, 男家會有隻金豬會送俾女家, 代表佢地滿意個新娘, 越大隻豬, 即係越滿意

依家好多人貪方便, 多數係派帖時都會夾埋張卷俾D親戚

2. 在晚宴前敬茶俾長輩, 係唔係剩係要敬俾D早上未敬過既親戚? 父母係唔係唔駛再敬多一次茶? 咁係唔係一定要用有龍有鳳既茶壺同茶杯, 用普通酒樓個D茶壺同茶杯又得唔得? 又係唔係一定要跪係度敬茶, 企係度得唔得?

早上係女家敬左茶既就唔洗再敬架啦, 夜晚敬個D親戚, 係佢地早上無飲到茶個D

通常酒樓都會有呢D 一SET 既龍鳳茶具, 你可以問下你用個間酒樓啦

斟茶俾長輩係要跪既, 而平輩就可以企係樹斟....

唔好意思, 咁多問題, 因為真係唔係好知咁多規矩呢!