想養魚

而家買魚魚用品, 除了買魚缸比較平外, 其他野都比以往貴。
7吋魚缸一個約$40,
18吋魚缸見過最平$80。

唔知你想點養魚, 通常新手買缸就建議14吋缸,
因為相對下要加其他配件都比較容易,
加多幾條魚或加多少少裝飾亦比較容易。

養魚前還要考慮幾個問題:
1. 有幾大地方養魚? 夠大固然好, 但若只有少許空間, 或能放魚缸位置有限制, 就要將就一下, 養魚的種類和數量都會有限制。
2. 家人反對嗎? 如反對, 其後你在精神上和金錢上的負擔就加重了。
3. 有冇時間打理? 如果一個星期都冇一日有時間打理魚缸, 就唔好諗養魚。

唔用氣泵或濾水器養魚得唔得? 可以!
但如前所說, 養魚的選擇同樣會減少, 還有要以經常換水作為代價。

有幾個養淡水魚的選擇給你看看:
1. 以攀鱸科為主, 如:鬥魚、萬龍等, 魚缸不用太大, 設備亦不需要齊, 可是只能單養, 不能混養或群養。
2. 以孔雀為主, 主要設備氣泵一個, 水妖一個, 天氣冷要加多支暖管, 魚缸要大一點, 原因在於呢種魚好容易生仔。
(呢種魚比較大食, 同樣大屎。)可以群養。
3. 以燈魚為主, 如: 紅蓮燈、三角燈等細魚, 設備要比較齊, 濾水設備要較好(因為要求水質穩定),
用七吋魚缸養都可以, 缸內最好有裝飾。可以和其他燈魚混養和群養。
(孔雀有平有貴, 鬥魚都係, 自己將價就貨。但大部分魚魚的價錢都係一般人能負擔。)
4. 以短鯛為主, 主要設備同孔雀相同, 但缸內要舖泥, 要多少少裝飾, 最起碼要鯛樽一個。缸細就不能混養, 或數量過多。
(短鯛一條的起步費都要幾十蚊, 若要養得好, 還要適當地用藥, 好彩最貴o個d, 都係一千蚊樓下, 唔及得高級孔雀。)
5. 以慈鯛為主, 需要較大的魚缸, 因為呢種魚大得好快, 還有好大條。最平o個d通常係非洲王子、非洲鳳凰、藍斑馬,
生命力強, 但係佢地惡到死, 自己友都打餐飽, 不宜混養其他魚, 數量亦要嚴加控制。
6. 以金魚為主, 需要較大的魚缸, 濾水要較好(因為大屎), 天冷不需要暖管, 缸內不需要底砂和裝飾。